Top
კავკასიის საერთაშორისო უნივერსიტეტი
შინაგანაწესი

ავკასიის საერთაშორისო უნივერსიტეტი შინაგანაწესი

 

ავკასიის საერთაშორისო უნივერსიტეტი

შინაგანაწესი

 

თავი I

 ზოგადი დებულებანი

 

მუხლი 1. შინაგანაწესის  მოქმედების სფერო

1. წინამდებარე შინაგანაწესი წარმოადგენს სამართლებრივ-დისციპლინური წესების კრებულს, რომელიც ადგენს კავკასიის საერთაშორისო უნივერსიტეტის (შემდეგში - უნივერსიტეტი) პერსონალის სამუშაო პირობებს, უნივერსიტეტის ტერიტორიაზე პერსონალის ქცევის წესებს და დადგენილი წესების დარღვევისათვის აწესებს შესაბამის დისციპლინარულ პასუხისმგებლობას.

2. ეს შინაგანაწესი შემუშავებულია საქართველოს კონსტიტუციის, უმაღლესი განათლების შესახებ კანონის, საქართველოს შრომის კოდექსისა და უნივერსიტეტის დებულების საფუძველზე.

 

მუხლი 2. შინაგანაწესის შესრულების სავალდებულოობა

1. ხელშეკრულებით გათვალისწინებული უფლება-მოვალეობების გარდა, უნივერსიტეტის პერსონალი სპეციალური მითითების გარეშე, ვალდებულნი არიან დაიცვან წინამდებარე შინაგანაწესი და დაემორჩილონ დისციპლინურ პასუხისმგებლობებს.

2. შინაგანაწესით განსაზღვრული რეგულაციებისა და დისციპლინური პასუხისმგებლობების შესრულება სავალდებულოა უნივერსიტეტის ყველა ადმინისტრაციული, აკადემიური, მოწვეული და დამხმარე პერსონალისთვის.

 

თავი II

უნივერსიტეტის პერსონალის სამუშაო პირობები

მუხლი 3. შრომითი ხელშეკრულება
1. უნივერსიტეტი  დებს შრომით ხელშეკრულებას უნივერსიტეტის პერსონალთან, მათ შორის,  მოწვეულ პედაგოგებთან, რომლითაც განისაზღვრება:

ა) პერსონალის სამუშაო პირობები;

ბ) შრომის ანაზღაურების წესი  და სხვა უფლება-მოვალეობები.

2. შრომითი ხელშეკრულების პირობები შეესაბამება საქართველოს შრომის კოდექსისა და ყველა სხვა კანონთა მოთხოვნებს, რომელიც არეგულიერებს შრომით ურთიერთობებს;
3. შრომის ხელშეკრულების ვადები განისაზღვრება ხელშეკრულების მხარეთა მიერ.

4. უნივერსიტეტის შრომითი ურთიერთობის დამყარება დამოკიდებულია სასწავლო წლის ვადებთან და ათვლის წერტილია 1-ლი სექტემბერი. დასაქმებული, რომელიც არ არის კონკრეტული სამუშაოს შესრულების მიზნით აყვანილი, შრომითი ხელშეკრულება უფორმდება 1-ელ სექტემბრამდე, ხოლო ხელშეკრულების გაგრძელება ხდება სასწავლო წლის დატვირთვიდან გამომდინარე 1-ელი სექტემბრიდან ერთი წლის ვადით.

 

მუხლი 4. სამუშაო დრო

1. სამუშაო დრო წარმოადგენს კალენდარული დროის ნაწილს, რომლის განმავლობაშიც პერსონალი ვალდებულია განახორციელოს თავისი სამსახურებრივი უფლება-მოვალეობები.

2. უნივერსიტეტში დაწესებულია ხუთდღიანი სამუშაო კვირა ორშაბათიდან პარასკევის ჩათვლით.

3. სასწავლო პროცესის მოთხოვნების გათვალისწინებით, პერსონალისათვის დასაშვებია 6 დღიანი სამუშაო კვირა შაბათი დღის დამატებით.

4. სამუშაოს დაწყებისა და დამთავრების დრო განისაზღვრება 10:00 საათიდან 18:00 საათამდე. აკადემიური პერსონალის, მასწავლებლებისა და მოწვეული პერსონალისათვის სამუშაოს დაწყებისა და დამთავრების დრო დაკავშირებულია აუდიტორული, საკონსულტაციო და შრომითი ხელშეკრულებით გათვალისწინებული სხვა ვალდებულებების შესრულებასთან.

5. ბიბლიოთეკის მუშაობის საათები განისაზღვრება დამოუკიდებლად ბიბლიოთეკის დებულების (სარგებლობის წესი) შესაბამისად.

6. უნივერსიტეტსა და პერსონალს შორის სამუშაო დროის ხანგრძლივობა შესაძლებელია განისაზღვროს ურთიერთშეთანხმებით შრომის კანონმდებლობის საფუძველზე.

7. შესვენება  გრძელდება ერთი საათი. სტრუქტურული ერთეულის თანამშრომლები ვალდებულნი არიან შესვენების დრო გადაანაწილონ იმგვარად, რომ არ მოხდეს სამუშაო პროცესის შეფერხება.

8. უნივერსიტეტში ლექცია იწყება საათის დასაწყისში და გრძელდება 50 წუთი.

9. პერსონალი წლის განმავლობაში სარგებლობს 24 სამუშაო დღე ანაზღაურებადი შვებულებით. შვებულების შესახებ განცხადება მინიმუმ ხუთი სამუშაო დღით ადრე წარედგინება პერსონალის მართვის სამსახურს.

10. შვებულების დღეებში შედის კანცლერის ბრძანებით განსაზღვული ზაფხულის და საახალწლო არდადეგების პერიოდის  სამუშაო დღეები. დასაქმებულს, რომელსაც არ სურს არდადეგების პერიოდში შვებულების დღეების გამოყენება, ვალდებულია მინიმუმ ორი დღით ადრე აცნობოს პერსონალის მართვისა და საქმის წარმოების დეპარტამენტს არდადეგების პერიოდში შვებულების გამოყენებაზე უარის შესახებ და ვალდებულია გამოცხადდეს სამსახურში სრული სამუშაო გრაფიკით.

11. პირი, რომელიც ჯანმრთელობის პრობლემების გამო ვერ ცხადდება სამსახურში, ვალდებულია ამის შესახებ აცნობოს პერსონალის მართვისა და საქმის წარმოების დეპარტამენტს და სამსახურში გამოცხადების შემდეგ წარმოადგინოს შესაბამისი ცნობა. თუ დასაქმებული ვერ წარმოადგენს ჯანმრთელობის ცნობას ან სამსახურს აცდენს სხვა პირადი მიზეზით, ვალდებულია მოითხოვოს შვებულება. ამ მუხლისგან განსხვავებულ შემთხვევაში, დასაქმებულის მიმართ გავრცელდება დისციპლინური პასუხისმგებლობის ნორმები.

 

მუხლი 5. დასვენების დღეები

1. უნივერსიტეტში დასვენების დღეებია შაბათი და კვირა, გარდა მე-4 მუხლის მე-3 პუნქტით განსაზღვრული შემთხვევებისა.

2. უნივერსიტეტი ისვენებს საქართველოს შრომის კოდექსით დადგენილ დასვენების დღეებში.

3. უნივერსიტეტის კანცლერის/რექტორის ბრძანებით, სხვადასხვა მნიშვნელოვანი საფუძვლის არსებობის შემთხვევაში, შეიძლება განისაზღვროს დასვენების დღეები, რომლებსაც არ ითვალისწინებს შრომის კოდექსი. ამ პუნქტის პირველი წინადადების შესაბამისად დადგენილი დასვენების დღე არ ჩაითვლება შრომის კოდექსით დადგენილ შვებულების დღეების რიცხვში.

 

 

თავი III

პერსონალის უფლება-მოვალეობები

 

მუხლი 6. აკადემიური პერსონალის ვალდებულებები

უნივერსიტეტის აკადემიურ თანამდებობაზე მყოფი ყველა პირი ვალდებულია:

  1. წარმოადგინოს უნივერსიტეტის მიერ დადგენილ ფორმაში იმ სასწავლო კურსის/კურსების სილაბუსები, რომლებსაც კითხულობს მიმდინარე სემესტრში ან პოტენციურად შეუძლია წაიკითხოს აკადემიური პროგრამის ფარგლებში შემდგომ სემესტრებში.
  2. გაუძღვეს კონკრეტულ სასწავლო კურსს/კურსებს წარმოდგენილ სილაბუსში მოცემული განრიგის შესაბამისად. უნივერსიტეტის ადმინისიტრაციის წარმომადგენელი (რექტორი, ხარისხის უზრუნველყოფის სამსახურის წარმომადგენელი, დეკანი, პროგრამის ხელმძღვანელი) უფლებამოსილია დაესწროს ლექციებსა და სემინარებს.
  3. მუდმივად განაახლოს და დახვეწოს სასწავლო კურს(ებ)ის სილაბუს(ებ)ი და შესაბამისობაში მოიყვანოს უნივერსიტეტის საგანმანათლებლო პროგრამებთან და უნივერსიტეტის მიერ დადგენილ სილაბუსის ფორმაში შეტანილ ცვლილებებთან.
  4. გააცნოს სტუდენტებს სასწავლო კურსის სილაბუსი პირველ ლექციაზე.
  5. გამოყოს კონსულტაციის დრო ლექციის წინ ან ლექციის შემდეგ. კონსულტაციისათვის გამოყოფილი დრო არ იქნება ანაზღაურებადი.
  6. დროულად გამოცხადდეს ლექციაზე. დაგვიანების ან/და გაცდენის შემთხვევაში გააფრთხილოს დეკანატი წინასწარ. 10 წუთის დაგვიანების შემდგომ აღნიშნული სალექციო საათი არ ანაზღაურდება;

7. უნივერსიტეტში მოსვლის და გასვლის დროს გაატაროს ბარათი, ჩატარებული ლექცია-სემინარების/პრაქტიკული მეცადინეობების აღრიცხვა/მონიტორინგის მიზნით. იმ შემთხვევაში, თუ ლექტორს დაავიწყდება ბარათი, ვალდებულია დაწეროს განცხადება მონიტორინგის სამსახურში. წინააღმდეგ შემთხვევაში საფინანსო სამსახურის მიერ არ მოხდება შესაბამისი ლექციის ანაზღაურება.

8. ლექცია-სემინარებიდან/პრაქტიკული მეცადინეობებიდან სტუდენტების ადრე გაშვების შემთხვევაში, აღნიშნული საათი არ ანაზღაურდება იმ შემთხვევაშიც კი, თუ ლექტორმა გამოიყენა შესვენებები და გადააბა ლექცია-სემინარები/პრაქტიკული მეცადინეობები.

9. ყოველი კვირის ბოლოს შეიტანოს სტუდენტის შუალედური შეფასებები უნივერსიტეტის ელექტრონულ სასწავლო ბაზაში.

10. უქმე დღეებში გაცდენილი ლექცია/სემინარის აღდგენა უნდა მოხდეს სასწავლო/სამუშაო დღეებში ჯგუფების ცხრილის გათვალისწინებით დეკანატთან შეთანხმებით (შუალედურ გამოცდამდე გაცდენილი საათები უნდა აღდგეს შუალედური გამოცდების დაწყებამდე, შესაბამისად - დასკვნითი გამოცდების შემთხვევაში).

11. წინასწარ დაგეგმილი მივლინების შემთხვევაში დროულად აცნობოს დეკანატს ლექციების მოსალოდნელი გაცდენის შესახებ და სთხოვოს კოლეგას გაცდენილი საათების ჩატარება. თუ ლექტორს მოულოდნელად უხდება ლექციის გაცდენა, ის ვალდებულია, შეატყობინოს ამის შესახებ შესაბამის დეკანატს,  შემდგომ დეკანთან ერთად დაგეგმოს გაცდენილი საათის აღდგენა და ამის შესახებ აცნობოს მონიტორინგის სამსახურს;

12. უნივერსიტეტის ელექტრონული ბაზისა და ელექტრონული ფოსტის მეშვეობით მოახდინოს საკითხავი და დამატებითი მასალის (ასეთის არსებობის შემთხვევაში) სტუდენტებისთვის გადაგზავნა.

13. სემესტრის დაწყებიდან მე-4 კვირის ბოლომდე საგამოცდო ცენტრის ელ.ფოსტაზე გადააგზავნოს შუალედური გამოცდისთვის მომზადებული კომბინირებული საგამოცდო დავალება (თეორიული საკითხები, ტესტები, ღია თუ დახურული კითხვები, კაზუსები, მაგალითები და ა.შ.), ხოლო მე-12 კვირის ბოლოს - დასკვნითი გამოცდისთვის მომზადებული კომბინირებული საგამოცდო დავალება (თეორიული საკითხები, ტესტები, ღია თუ დახურული კითხვები, კაზუსები, მაგალითები და ა.შ.) სილაბუსის მიხედვით.

14. თუკი საგანს რამდენიმე პედაგოგი კითხულობს, წარმოადგინონ შეჯერებული საგამოცდო დავალება, რათა სტუდენტების გამოცდა ერთიანი, უნიფიცირებული საგამოცდო დავალებით მოხდეს.

15. ლექტორის მიერ წარმოდგენილ უნდა იყოს საგამოცდო მასალის 5 (ხუთი), განსხვავებული ვარიანტი, იმ ფორმით, რომ მასშიარცერთი თეორიული საკითხი, ტესტი, ღია თუ დახურული კითხვა, კაზუსი თუ მაგალითი არ უნდა მეორდებოდეს.

16. ყოველ მომდევნო სემესტრში გადახედოს საგამოცდო დავალებებს, შეიტანოს ცვლილებები, გადააადგილოს საკითხები, რაც სტუდენტთა მხრიდან არაკეთილსინდისიერი ქმედებისგან დაცვას უზრუნველყოფს.

17. გამოცდის ჩატარებიდან 2 სამუშაო დღის ვადაში დეკანატიდან წაიღოს საგამოცდო ნამუშევრები, არაუგვიანეს მე-7 დღეს, ასახოს საგამოცდონიშნები სასწავლო ელექტრონულ ბაზაში, ხოლო გამოცდის ჩატარებიდან არაუგვიანეს მე-9 დღეს წარმოადგინოს ხელმოწერილი უწყისები და შესრულებული საგამოცდო ნამუშევრები ჩააბაროს სტუდენტთა მომსახურების ცენტრს.

18. თუკი, ობიექტური მიზეზების გამო, მე-18 და მე-19 პუნქტში მითითებულ ვადებში ლექტორი ვერ ახდენს საგამოცდო დავალების ელ.ფოსტაზე გადაგზავნას, ასევე 7 დღის ვადაში ნიშნების შეტანას   ელექტრონულ ბაზაში და შესრულებული საგამოცდო ტესტების ჩაბარებას, ის ვალდებულია დაწეროს ახსნა-განმარტებითი ბარათი რექტორის სახელზე.

19. იმ შემთხვევაში, თუ დაირღვა საგამოცდო დავალების წარმოდგენის, შესრულებული საგამოცდო ტესტების ჩაბარების  და ელექტრონულ ბაზაში ნიშნების შეტანის ვადები, და ლექტორის მიერ არ იქნა დაწერილი ახსნა-განმარტებითი ბარათი, მაშინ ლექტორს პირველ შემთხვევაში ოფიციალურად გამოეცხადება გაფრთხილება, მეორე შემთხვევაში - საყვედური, ხოლო მესამე შემთხვევაში - თითოეულ გადაცილებულ დღეზე დაეკისრება ჯარიმა 40 (ორმოცი) ლარის ოდენობით.

20. CV და მონაცემები უნივერსიტეტის სამეცნიერო პორტალისთვის და დათქმულ დროს მიაწოდოს მასალები ადმინისტრაციას.

21. დაესწროს უნივერსიტეტის ადმინისტრაციის მიერ ორგანიზებულ შეხვედრებს/თათბირებს;

22. სასწავლო წლის მანძილზე მოამზადოს და ხელძღვანელობა გაუწიოს 1-3 სტუდენტს საუნივერსიტეტო სტუდენტურ კონფერენციებში მონაწილეობის მისაღებად;

23. სასწავლო წლის მანძილზე დაწეროს და გამოაქვეყნოს სტატია უნივერსიტეტის ბეჭდვით გამოცემაში.

 

მუხლი 7. პერსონალის უფლება-მოვალეობები

1. პერსონალი, გარდა ამ შინაგანაწესითა და დისციპლინური პასუხისმგებლობის ნორმებით გათვალისწინებული შრომითი უფლებებისა, სარგებლობს საქართველოს კონსტიტუციით, საქართველოს შრომის კოდექსითა და სხვა საკანონმდებლო აქტებით დადგენილი ყველა უფლებით.

2. პერსონალი ვალდებულია:

ა) კეთილსინდისიერად შეასრულოს საქართველოს კანონმდებლობით და შრომითი ხელშეკრულებით გათვალისწინებული ვალდებულებები, დაიცვას უნივერსიტეტის დებულება, შინაგანაწესი, ეთიკისა და დისციპლინური პასუხისმგებლობის ნორმები;

ბ) გაუფრთხილდეს სამსახურებრივი მოვალეობების შესასრულებლად საჭირო, მისთვის სარგებლობაში გადაცემულ მატერიალურ ფასეულობებს;

გ) ნებართვის გარეშე არ გაიტანოს უნივერსიტეტის ტერიტორიიდან რაიმე ნივთი, საბუთები, არქივები, ჩანაწერები, ნებისმიერი სახის ინფორმაცია, რომელსაც იგი პირდაპირ ან არაპირდაპირ მოიპოვებს მომსახურების გაწევის პროცესში;

დ) დასაქმებულის მიერ შრომითი ურთიერთობის პერიოდში შექმნილ ნებისმიერი ფორმისა და შინაარსის ნაწარმოებზე და კანონმდებლობით განსაზღვრულ საავტორო და მომიჯნავე უფლებების ნებისმიერი ფორმის და შინაარსის ობიექტზე სრულად ვრცელდება უნივერსიტეტის ინტელექტუალური საკუთრების უფლება;

ვ) შრომითი ხელშეკრულების ნებისმიერი მიზეზით შეწყვეტის შემთხვევაში დაუყოვნებლივ დაუბრუნოს დამსაქმებელს ყველა დოკუმენტი, ჩანაწერი, დამკვეთის საკუთრება, რომელიც დასაქმებულის დროებით განკარგულებაში იმყოფებოდა მომსახურების გასაწევად  (წიგნები, გასაღებები, კომპიუტერული ტექნიკა, პროგრამები და სხვა) და არ მოახდინოს მათი ასლების გადაღება და კონსპექტირება;

ზ) შრომითი ხელშეკრულების ნებისმიერი პირობით შეწყვეტის შემთხვევაში, დასაქმებული უფლებამოსილია უზრუნველყოს სამუშაოსა და მასთან დაკავშირებული ყველა ნივთისა და ნებისმიერი სახის ინფორმაციის გადაბარება უნივერსიტეტის მიერ განსაზღვრულ სხვა თანამშრომელზე, რაც მხარეთა შორის ფორმდება წერილობით. აღნიშნული ვალდებულების სრული და ჯეროვანი შესრულება წარმოადგენს უნივერსიტეტის მხრიდან საბოლოო ანგარიშსწორების აუცილებელ წინაპირობას.

 

თავი IV

ხელფასის გაცემის პირობები

მუხლი 8. ხელფასის გაცემა

1. პერსონალისთვის შრომის ანაზღაურება ხდება ხელშეკრულებით განსაზღვრული ან/და ფაქტობრივად შესრულებული დატვირთვის შესაბამისად პირად საბანკო ანგარიშზე გადარიცხვით.

2. შრომის ანაზღაურება ხდება ხელშეკრულებით დადგენილი ოდენობის მიხედვით.

3. იმ აკადემიური პერსონალის ანაზღაურება, რომელთა ხელფასი განისაზღვრება საათობრივი დატვირთვით, ხდება მონიტორინგის სამსახურის მიერ თვის განმავლობაში აღწერილი ჩატარებული ლექციების შესაბამისად.

4. პერსონალი ვალდებულია, საბანკო ანგარიში გახსნას უნივერსიტეტის ადმინისტრაციის მიერ მითითებულ ბანკში.

 

მუხლი 9. ხელფასის გაცემის დრო

1. უნივერსიტეტის პერსონალს ხელფასი ეძლევა თვეში ერთხელ, საანგარიში თვის დასრულებიდან 5 დღის ვადაში.

2. უნივერსიტეტის აკადემიურ პერსონალს, რომლის ყოველთვიური ანაზღაურება გამოითვლება ჩატარებული სალექციო საათების მიხედვით, ხელფასი მიეცემა არაუგვიანეს მომდევნო თვის 10 რიცხვისა.

3. უნივერსიტეტი იხსნის პასუხისმგებლობას საბანკო სისტემებში წარმოქმნილი მიზეზებით ხელფასის გაცემის შეფერხებებზე და ამით გამოწვეული ზიანის ანაზღაურებაზე.

 

 

თავი V

პერსონალის წახალისების ფორმები

მუხლი 10. წამახალისებელი ღონისძიებები

1. სამსახურებრივ მოვალეობათა სანიმუშო შესრულებისათვის, ხანგრძლივი და კეთილსინდისიერი სამსახურისათვის, განსაკუთრებული სირთულის, ან მნიშვნელოვანი დავალების შესრულებისათვის გამოიყენება წახალისების შემდეგი ღონისძიებები:

1.1. მადლობის გამოცხადება;

1.2. ერთჯერადი ფულადი ჯილდო;

1.3. ფასიანი საჩუქრით დაჯილდოვება;

1.4. თანამდებობრივი სარგოს თანრიგის ამაღლება;

2. შეიძლება ერთდროულად გამოყენებულ იქნას წახალისების რამდენიმე ფორმა.

 

თავი VI

უნივერსიტეტის მიერ დადგენილი სავალდებულო ქცევის წესები და დისციპლინური პასუხისმგებლობის ფორმები

მუხლი 11. დისციპლინარული პასუხისმგებლობის ფორმები

1. შინაგანაწესით დადგენილი ქცევის სავალდებულო წესების დარღვევის შემთხვევაში, უნივერსიტეტის პერსონალის მიმართ გამოიყენება დისციპლინარული პასუხისმგებლობის შემდეგი ღონისძიებები:

1.1. გაფრთხილება;

1.2. საყვედური;

1.3. დაჯარიმება/ ხელფასის დაქვითვა;

1.4. სამსახურიდან გათავისუფლება.

2. შეიძლება გამოყენებულ იქნას დისციპლინარული პასუხისმგებლობის რამდენიმე ფორმა.

 

მუხლი 12. ქცევის სავალდებულო წესები

1. უნივერსიტეტის შენობის ტერიტორიაზე აკრძალულია თამბაქოს მოხმარება. თამბაქოს მოხმარების წესის დარღვევა გამოიწვევს:

ა. პირველი დარღვევის შემთხვევაში - ხელფასიდან 50 ლარის დაქვითვა და გაფრთხილება;

ბ. მეორე და შემდგომი დარღვევის შემთხვევაში - ხელფასიდან 100 ლარის დაქვითვა ან სამსახურიდან გათავისუფლება.

2. უნივერსიტეტის შენობის ტერიტორიაზე აკრძალულია ალკოჰოლის მოხმარება, ალკოჰოლის ზემოქმედების ქვეშ ყოფნა და აზარტული თამაშები. აღნიშნული რეგულაციის დარღვევა გამოიწვევს:

ა. პირველი დარღვევის შემთხვევაში - ხელფასიდან 50 ლარის დაქვითვა და გაფრთხილება;

ბ. მეორე და შემდგომი დარღვევის შემთხვევაში - ხელფასიდან 100 ლარის დაქვითვა ან სამსახურიდან გათავისუფლება.

3. პერსონალის მხრიდან უნივერსიტეტის ქონებაზე ნებისმიერი სახის ზემოქმედება  ანაზღაურდება საქართველოს კანონმდებლობის შესაბამისად, მიყენებული ზარალის ფულადი გამოხატულების პროპორციულად. მიყენებული ქონებრივი ზიანის ხარისხიდან გამომდინარე, ჯარიმასთან ერთად გამოყენებული იქნება ერთ-ერთი დისციპლინური პასუხისმგებლობის ღონისძიება, როგორიცაა: გაფრთხილება, საყვედური ან სამსახურიდან გათავისუფლება.

4.  აღნიშნული მუხლით დადგენილი წესების დარღვევის შემთხვევაში მოხსენებას რექტორის/კანცლერის (კანცლერი განიხილავს ადმინისტრაციის თანამშრომელთა დისციპლნინურ საკითხებს, ხოლო ერქტორი - აკადემიური პერსონალის) სახელზე ახდენს დაცვის სამსახურის უფროსი ან მონიტორინგის სამსახურის უფროსი, ხოლო სათანადო წარმოების ჩატარების შემდეგ, დისციპლინურიი პასუხისმგებლობის დაკისრების შესახებ ბრძანებას გამოსცემს უნივერსიტეტის რექტორი/კანცლერი.

 

 

მუხლი 13. უნივერსიტეტში მოქმედი ეთიკის ნორმები

1. უნივერსიტეტის პერსონალი ვალდებულია დაიცვას უნივერსიტეტის ტერიტორიაზე ქცევის წესები, აგრეთვე ეთიკის ნორმები უნივერსიტეტის პერსონალთან და სტუდენტებთან ურთიერთობაში.

2. უნივერსიტეტის ტერიტორიაზე პერსონალს ეკრძალება:

ა) ხმაური და სასწავლო პროცესის ხელის შეშლა;

ბ) ალკოჰოლური და ნარკოტიკული საშუალებების, აგრეთვე პოლიტიკური და რელიგიური სააგიტაციო, სარეკლამო ფურცლებისა და პროკლამაციების შემოტანა და გავრცელება;

გ) ფიზიკური მდგომარეობა (ჩაცმულობა, ტატუირება, ვიზუალური მდგომარეობა), რომელიც შეუფერებელია საგანმანათლებლო დაწესებულებაში პერსონალისათვის;

დ) უნივერსიტეტის ტერიტორიაზე პოლიტიკური ხასიათის გამოსვლებისა და მიტინგების მოწყობა;

ე) ცეცხლსასროლი, გაზის ან საფანტის იარაღით შემოსვლა (თუ პირს უფლება აქვს ატაროს იარაღი, უნივერსიტეტის ტერიტორიაზე იგი ვალდებულია ჩააბაროს იარაღი უნივერსიტეტის დაცვის სამსახურს აღნიშნული ტერიტორიის დატოვებამდე);

ვ) ყალბი დოკუმენტის გამოყენება;

ზ) გამოცდის შედეგების გაყალბება ან სხვის ნაცვლად გამოცდის ჩაბარება;

თ) ცრუ ინფორმაციის გავრცელება, რაც მიმართულია სასწავლო პროცესის ჩაშლისკენ, უნივერსიტეტის, სტუდენტის ან სხვა თანამშროლის დისკრედიტაციისკენ;

ი) უნივერსიტეტის ტერიტორიაზე ქურდობა, ხულიგნობა ან სისხლის სამართლის კანონმდებლობით გათვალისწინებული დანაშაულის ჩადენა;

კ) პლაგიატი;

ლ) ნებისმიერი ქმედება, რომელიც მიმართულია უნივერსიტეტის დისკრედიტაციისკენ და უხეშად არღვევს უმაღლესი საგანმანათლებლო დაწესებულებაში დამკვიდრებული ქცევის ნორმებს.

3. სტუდენტისა და პერსონალის შესახებ ინფორმაციის მოპოვების, შენახვისა და გაცემის პროცედურების განხორციელებისას უნივერსიტეტის ადმინისტრაციამ უნდა იხელმძღვანელოს საქართველოს კანონმდებლობით დადგენილი წესების შესაბამისად და არ დაუშვას პერსონალუ მონაცემთა უკანონო მოპოვება და გავრცელება.

4. უნივერსიტეტის ქონების, სტუდენტის, პერსონალის ან ნებისმიერი პირის დაცვის უზრუნველყოფის პროცესში უნივერსიტეტის ტერიტორიაზე დაცვის სამსახურის თანამშრომელთა ნებისმიერი კანონიერი განკარგულება სავალდებულოა შესასრულებლად;

5. უნივერსიტეტის ტერიტორიაზე დადგენილი ქცევის წესების დარღვევის  შემთხვევაში დაცვის სამსახურს უფლება აქვს მიიღოს საჭირო ზომები დამრღვევის მიმართ, ხოლო თუ ქმედება შეიცავს ადმინისტრაციული დარღვევისა და დანაშაულის ნიშნებს, გამოიძახოს საპატრულო პოლიცია შესაბამისი რეაგირებისათვის.

6. ამ მუხლის მე-2 პუნქტით განსაზღვრული წესების დარღვევის შემთხვევაში დისციპლინური ღონისძიების გამოყენება განისაზღვრება დარღვევის სიმძიმიდან გამომდინარე.

 

მუხლი 14. დისპიცლინური წარმოება

1. ამ წესით დადგენილი ნორმის სავარაუდო დარღვევის ფაქტზე წარდგენილი მოხსენებითი ბარათის საფუძველზე რექტორი/კანცლერი ბრძანებით ადგენს დისციპლინური საქმის წარმოების დაწყებას და განსაზღვრავს მოკვლევაზე პასუხისმგებელ პირს.

2. აკადემიურ პესონალთან დაკავშირებული დისციპლინურ წარმოებას ახორციელებს რექტორი, ხოლო ადმინისტრაციულ პერსონალთან დაკავშირებულ - კანცლერი.

3. მოკვლევაზე პასუხისმგებელი პირ(ებ)ი ატარებს ფაქტთან დაკავშირებით შემხებლობაში მყოფ ყველა პირის გამოკითხვას, ცნობების მოგროვებას, ვიდეო მასალის დამუშავებას და შეგროვებული დოკუმენტების შესაბამისად დასკვნის წარმოდგენას. მოკვლევის პროცესში აუცილებელია ჩართული იქნას დისციპლინური საქმისწარმოების ობიექტი.

4. პასუხისმგებელი პირის მიერ წარმოდგენილი დასკვნა და თანდართული მასალები გადაეცემა რექტორს/კანცლერს შესაბამისი რეაგირებისთვის.

5. დასკვნის შინაარსიდან გამომდინარე რექტორი/კანცლერი ბრძანებით განსაზღვრავს ეთიკის კომისიას და ავალებს შესაბამისი გადაწყვეტილების გამოტანას. ეთიკის კომისიაში უნდა შედიოდეს მინიმუმ 3 წევრი, რომლებიც არ შეიძლება იყვნენ დისციპლინური წარმოების ობიექტთან დაკავშირებული ან რაიმე ფორმით დამოკიდებული პირი.

6. ეთიკის კომისია საკითხს განიხილავს სრულად, მიუკერძოებლად და სამართლიანად. კომისია უფლებამოსილია ჩაატაროს ზეპირი მოსმენა და ამ პროცესში მოისმინოს საქმესთან შემხებლობაში მყოფი პირების პოზიცია. ზეპირი მოსმენის შემთხვევაში, სავალდებულოა დისციპლინური წარმოების ობიექტის მოწვევა.

7. ეთიკის კომისია გადაწყვეტილებას იღებს ხმათა უმრავლესობით. ეთიკის კომისიის გადაწყვეტილება ფორმდება რექტორის/კანცლერის ბრძანებით. გადაწყვეტილება საბოლოოა და ექვემდებარება გასაჩივრებას  მხოლოდ სასამართლოში.

 

 

თავი VI

პერსონალურ მონაცემთა დამუშავება და დაცვა

 

მუხლი 15. პერსონალურ მონაცემთა დამუშავება

1.უნივერსიტეტი უფლებამოსილია დაამუშაოს სტუდენტისა და პერსონალის მონაცემები კანონით დადგენილი და უსაფრთხოების მიზნებისათვის.

2. უნივერსიტეტი ამუშავებს სტუდენტის შემდეგ მონაცემებს:

ა) პირადი მონაცემები (სახელი, გვარი, მამის სახელი, პირადი ნომერი, მოქალაქეობა, ეროვნება. დოკუმენტი - პირადობის ასლი, ფოტოსურათი);

ბ)  საკონტაქტო ინფორმაცია (ფაქტობრივი და იურიდიული მისამართი, ტელეფონის ნომერი, ელექტრონული ფოსტა);

გ) განათლება (დოკუმენტი - საშუალო განათლების ატესტატი, უმაღლესი განათლების დიპლომი);

დ) განსაკუთრებული სოციალური ჯგუფის კუთვნილება (სოციალურად დაუცველი, დევნილი და სხვა);

ე) სამხედრო აღრიცხვის მოწმობა (ვაჟების შემთხვევაში);

ვ) სპორტული და სახელოვნებო ინტერესები.

3. უნივერსიტეტი ამუშავებს პერსონალის შემდეგ მონაცემებს:

ა) პირადი მონაცემები (სახელი, გვარი, პირადი ნომერი. დოკუმენტი - პირადობის ასლი, ფოტოსურათი);

ბ) საკონტაქტო ინფორმაცია (ფაქტობრივი და იურიდიული მისამართი, ტელეფონის ნომერი, ელექტრონული ფოსტა);

გ) განათლება (დოკუმენტი - უმაღლესი განათლების დიპლომი);

დ) სამუშაო გამოცდილება (დოკუმენტი - ცნობა სამუშაო სტაჟის შესახებ);

ე) აკადემიური პერსონალისთვის აკადემიური მიღწევები (კონფერენციებში მონაწილეობა, გამოქვეყნებული სტატიები და პუბლიკაციები, სამეცნიერო შრომები. დოკუმენტი - სერთიფიკატი, ნაშრომის შესახებ ინფორმაცია).

4. სამუშაოზე გამოცხადებისა და დასრულების კონტროლის მიზნით უნივერსიტეტი ამუშავებს პერსონალის პირად მონაცემს პირადი ბარათის შემოსვლის და გასვლის დროს შესაბამის ტექნიკურ საშუალებაზე შეხებით.

5. ქონების დაცვისა და სტუდენტთა და პერსონალის უსაფრთხოების უზრუნველყოფის მიზნით უნივერსიტეტის შენობის გარე პერიმეტრზე და უნივერსიტეტის შენობაში ხორციელდება ვიდეოთვალთვალი. უნივერსიტეტი ვალდებულია ვიდეოთვალთვალის არეში, ადვილად შესამჩნევ ადგილას, განათავსოს წარწერა "ვიდეო კონტროლი". შენობაში ვიდეოთვალთვალი ხორციელდება მხოლოდ ვიზუალური ხედვის კამერების მეშვეობით დერეფნებსა და ისეთ აუდიტორიებში, სადაც განთავსებულია ფასეული ინვენტარი (კომპიუტერები, ლაბორატორიული ტექნიკა, ელექტრონული და ციფრული ტექნიკა და სხვა).

 

 

მუხლი 16. პერსონალურ მონაცემთა დაცვა

1. უნივერსიტეტი ვალდებულია დაიცვას დასაქმებულთა და სტუდენტთა შესახებ დამუშავებული პერსონალური მონაცემები და უზრუნველყოს მათი დაცვა.

2. სტუდენტის პირადი ინფორმაცია დაცულია ფაკულტეტის დეკანატში, ხოლო ელექტრონული ფორმით შევსებული მონაცემები განთავსებულია სასწავლო პროცესის მართვის ელექტრონულ სისტემაში სტუდენტის პირად გვერდზე, რომელზე წვდომა გარდა სტუდენტისა, აქვს უნივერსიტეტის უფლებამოსილ თანამშრომლებს.

3. პერსონალის პირად ინფორმაციას ამუშავებს და შესაბამის დოკუმენტაციას ინახავს პერსონალის მართვის სამსახური.

4. ვიდეო თვალის მონაცემების კონტროლზე და დამუშავებაზე პასუხისმგებლობა აქვს დაცვის სამსახურს.

5. ვიდეო თვალის ჩანაწერების ნახვის უფლება აქვს მხოლოდ დაცვის სამსახურის თანამშრომლებს, კანცლერს, კანცლერის მოადგილეს და რექტორს (საგამოცდო ცენტრში ასევე საგამოცდო ცენტრის თანამშრომელს). სამართალდამცავი ორგანოებისთვისა და სხვა მესამე პირისათვის ვიდეო ჩანაწერის გადაცემა ხდება კანცლე

 
 
მისამართი: 0141, თბილისი, გლდანი-ნაძლადევის რაიონი, სანზონა, ჩარგლის ქუჩა N73;
 
ტელეფონი: (+995 32) 261 12 98;
(+995 32) 294 59 92;
 
ელ.ფოსტა: ciu@ciu.edu.ge
 
მეტრო: "ღრმაღელე";
ავტობუსი N: 17, 60, 94, 95;
მიკროავტობუსი N: 49, 61, 31, 135, 171, 197;
 
მისამართი: თბილისი, ნაძალადევის რაიონი, ურეკის ქუჩა N 2;
 
ტელეფონი: (+995 32) 261 12 98;
(+995 32) 294 59 92;
 
ელ.ფოსტა: ciu@ciu.edu.ge
 
მეტრო: "გურამიშვილი", "სარაჯიშვილი";
ავტობუსი N: 17, 60, 94, 95;
მიკროავტობუსი N: 49, 60, 91, 135, 171, 197;
ურეკის ქუჩიდან ავტობუსი N: 21, 62;
ურეკის ქუჩიდან მიკროავტობუსი N: 126;