Top
კავკასიის საერთაშორისო უნივერსიტეტი
მედიცინის ფაკულტეტი

მედიცინის ფაკულტეტი 1995 წლიდან ფუნქციონირებს. დაარსების დღიდან  მრავალი წარმატებული მედიკოსი აღზარდა და დაასაქმა.

ფაკულტეტი გაწევრიანებულია საერთაშორისო სამედიცინო განათლებისა და კვლევის განვითარების ფონდში „FAIMER-IMED“და მსოფლიო ჯანდაცვის ორგანიზაციაში - „AVICENNA“.

კავკასიის საერთაშორისო უნივერსიტეტი ინდოეთის სამედიცინო საბჭომ (MCI) აღიარებული უცხოური უმაღლესი სასწავლებლების სიაში განათავსა.  

ფაკულტეტზე ფუნქციონირებს ცხრა აკრედიტებული უმაღლესი საგანმანათლებლო პროგრამა:  მედიცინა (ქართული და ინგლისურენოვანი),  სტომატოლოგია (ქართული, ინგლისური და რუსულენოვანი), ფარმაცია (ქართული და ინგლისურენოვანი), ფიზიკური მედიცინა და რეაბილიტაცია (ქართული და ინგლისურენოვანი).

თითოეული საგანმანათლებლო პროგრამა ითვალისწინებს საბაზისო და კლინიკური დისციპლინების სწავლებას. ამ მიზნით, უნივერსიტეტში ფუნქციონირებს: საბაზისო დისციპლინების სასწავლო ლაბორატორიები: უახლესი ანატომიური მოდელებითა და მულაჟებით აღჭურვილი ანატომიის კაბინეტი, ბიოქიმიური სასწავლო ლაბორატორია, ნეირომეცნიერებათა და გამოყენებითი ფიზიოლოგიის სამეცნიერო-კვლევითი ლაბორატორია, სადაც სტუდენტებს საშუალება აქვთ ჩაატარონ ექსპერიმენტები ცხოველებზე, ასევე მონაწილეობა მიიღონ სხვადასხვა სახის ექსპერიმენტებში, რომლებიც ტარდება ივანე ბერიტაშვილის სახელობის ,,სიცოცხლის შემსწავლელ ცენტრში“.

უნივერსიტეტში შექმნილია შინაგან სნეულებათა პროპედევტიკის სასწავლო ლაბორატორია, რომელიც აღჭურვილია უახლესი სიმულატორებითა და ფანტომებით. ეს ლაბორატორია ხელს უწყობს სტუდენტებს თანამედროვე მოთხოვნათა შესაბამისად შეისწავლონ პაციენტის გამოკვლევის ფიზიკური მეთოდები, მიიღონ პრაქტიკული გამოცდილება და დახვეწონ პაციენტების გასინჯვის ტექნიკა.

თანამედროვე ინფრასტრუქტურა, თანამედროვე ტექნიკური აღჭურვილობა შესანიშნავ სასწავლო გარემოს უქმნის ლექტორებსა და სტუდენტებს.

პრაქტიკული მეცადინეობები კლინიკურ დისციპლინებში მიმდინარეობს საქართველოს წამყვან კლინიკებსა და სამედიცინო დაწესებულებებში, რაც წარმატებულ სტუდენტებს რეალურ დასაქმებაში უწყობთ ხელს.

სტომატოლოგიის პროგრამის ფარგლებში, უნივერსიტეტში ფუნქციონირებს საფანტომო სწავლების კაბინეტები და საუნივერსიტეტო სტომატოლოგიური კლინიკა, სადაც სტუდენტებს პაციენტებთან უშუალო ურთიერთობის  შესაძლებლობა სწავლების ადრეული ეტაპიდან  აქვთ.

ფაკულტეტზე სწავლება მიმდინარეობს საერთაშორისო სტანდარტების შესაბამისად, სტუდენტებისათვის არსებობს ყველა პირობა ხარისხიანი ცოდნის მისაღებად და სტუდენტური ცხოვრების საინტერესოდ გასატარებლად. სასწავლო კურსებს უძღვებიან მაღალკვალიფიციური აკადემიური პერსონალი და მოწვეული პროფესორები.

უნივერსიტეტში ყოველ წელს ტარდება სტუდენტთა საერთაშორისო სამეცნიერო კონფერენცია, რომელიც დიდი პოპულარობით სარგებლობს უმაღლეს საგანმანათლებლო დაწესებულებებში, კსუ-ს მედიცინის ფაკულტეტის სტუდენტები აქტიურად არიან ჩართულნი.

ჩვენი უნივერსიტეტი სულ უფრო მიმზიდველი ხდება უცხოელი აბიტურიენტებისა და სტუდენტებისათვის. ამჟამად ფაკულტეტზე სწავლობს საფრანგეთის, პოლონეთის, პორტუგალიის, უკრაინის, აზერბაიჯანის, ირანის, ერაყის, თურქეთის, სირიის, მაროკოს, ნიგერიის, ეგვიპტის, ინდოეთის, იზრაელის, დიდი ბრიტანეთის 700-ზე მეტი მოქალაქე. მათი რიცხვი ყოველ სემესტრში მნიშვნელოვნად იზრდება.

2014  წლიდან უნივერსიტეტის ბაზაზე წარმატებით ხორციელდება სარეზიდენტო პროგრამა თერაპიულ სტომატოლოგიაში, რომლის ფარგლებშიც ფუნქციონირებს  დამოუკიდებელი, მხოლოდ რეზიდენტებისათვის განკუთვნილი სტომატოლოგიური კლინიკა. პროგრამა საშუალებას აძლევს ჩვენს კურსდამთავრებულებს უნივერსიტეტის კედლებშივე მიიღონ პოსტდიპლომური განათლება და გახდნენ კვალიფიციური პრაქტიკოსი ექიმები - სტომატოლოგები.

უახლოეს მომავალში იგეგმება მულტიპროფილური საუნივერსიტეტო კლინიკის მშენებლობა, კლინიკური უნარ-ჩვევების ცენტრის, ანატომიური თეატრის შექმნა, ასევე საერთაშორისო საუნივერსიტეტო ურთიერთობების განვითარება და საზღვარგარეთის კლინიკებში  გაცვლითი პროგრამების ორგანიზება. 

 

თანამშრომლობა:

  1. სს„ერისთავის სახელობის ექსპერიმენტული და კლინიკური ქირურგიის ეროვნული ცენტრი“;
  2. მ. იაშვილის სახელობის ბავშვთა ცენტრალური საავადმყოფო;
  3. შპს„თბილისის ცენტრალური საავადმყოფო“;
  4. შპს „წმინდა მიქაელ მთავარანგელოზის სახელობის მრავალპროფილიანი კლინიკური საავადმყოფო“;
  5. აკადემიკოს ოთარ ღუდუშაურის სახელობის ეროვნული სამედიცინო ცენტრი;
  6. შპს საქართველოს საპატრიარქოს წმინდა იოაკიმე და ანას სახელობის სამედიცინო ცენტრი;
  7.  ი. ბერიტაშვილის ექსპერიმენტული ბიომედიცინის ცენტრი;
  8.  შპს„ზ. შაქარაშვილის ონკოჰემატოლოგიური კლინიკა ლაიფმედი“;
  9.  შპს„რეფერალური ჰოსპიტალი“;
  10. ა(ა)იპ„ადამიანი და ბუნება“;
  11.  შპს „პეგასი“„ფიზიკური მედიცინისა და რეაბილიტაციის ცენტრი“;
  12.  შპს „კანისა და ვენსნეულებათა ეროვნული ცენტრი“;
  13.  შპს „კონსტანტინე მადიჩის სახელობის მამოლოგიის ცენტრი“;
  14.  ს.ს. „ჰემატოლოგიისა და ტრანსფუზიოლოგიის ს/კ ინსტიტუტი“;
  15.  შპს ენდოკრინოლოგიის ეროვნული ცენტრი;
  16.  შპს ბაკურ კოტეტიშვილის ფსიქონევროლოგიური კლინიკა;
  17. შპს სისხლძარღვთა და გულის დაავადებათა ცენტრი;
  18.  შპს თბილისის სპორტული მედიცინისა და რეაბილიტაციის ცენტრი;
  19.  შპს ტკივილის მართვის ცენტრი;
  20.  დავით აბულაძის ქართულ-იტალიური კლინიკა;
  21.  (შპს )სააფთიაქო ქსელი  „ჯიპისი“;
  22. სტომატოლოგიური კლინიკა შპს „დიოდენტი“;
  23.  აფთიაქი შპს „სოფია“;
  24.  აფთიაქი შპს „ლუკა 2010“;
  25.  შპს „აფთიაქი კრწანისი“;
  26. შპს მეხუთე კლინიკური საავადმყოფო;
  27. სტომატოლოგიური კლინიკა ორთოდონტიული ცენტრი;
  28. სამედიცინო ცენტრი „ციტო“;
  29. დიაგნოსტიკური კლინიკა „აირმედი“;
  30. ქ. თბილისის ფსიქიკური ჯანმთელობის ცენტრი;
  31. ვ. ივერიელის სახელობის ენდოკრინოლოგია, მეტაბოლოგია, დიეტოლოგიის ცენტრი „ენმედიც“;
  32. კლინიკა „მკურნალი 2002“;
  33. ნევროლოგიისა და ნეიროფსიქოლოგიის ინსტიტუტი;
  34. ბავშვთა ახალი კლინიკა „უნიმედი კახეთი“;
  35. წმ. ლაზარეს კლინიკა;
  36. მეტყველების განვითარებისა და კორექციის ცენტრი „ლოგომედი“;
  37. ი. ჟორდანიას სახელობის ადამიანის რეპროდუქციის სამეცნიერო-კვლევითი ინსტიტუტი;
  38. დავით მეტრეველის სამედიცინო ცენტრი;
  39. ჩაჩავას კლინიკა;
  40. ჩიჩუების სამედიცინო ცენტრი „მზერა“ ;
  41. ნეიროგანვითარების ცენტრი;
  42. აკადემიკოს ვ. წითლანაძის სახელობის რევმატოლოგიის სამეცნიერო-პრაქტიკული ცენტრი;
  43. სტომატოლოგიური კლინიკა „კლინიცისტი“;
  44. სტომატოლოგიური კლინიკა „დიოდენტი“.

 

 

 „FAIMER-IMED“

„AVICENNA“

 

 

 
 
მისამართი: 0141, თბილისი, გლდანი-ნაძლადევის რაიონი, სანზონა, ჩარგლის ქუჩა N73;
 
ტელეფონი: (+995 32) 261 12 98;
(+995 32) 294 59 92;
 
ელ.ფოსტა: ciu@ciu.edu.ge
 
მეტრო: "ღრმაღელე";
ავტობუსი N: 17, 60, 94, 95;
მიკროავტობუსი N: 31, 49, 61,135, 171, 197.
 
მისამართი: თბილისი, ნაძალადევის რაიონი, ურეკის ქუჩა N 2;
 
ტელეფონი: (+995 32) 210 52 03;
(+995 32) 230 86 41
 
ელ.ფოსტა: ciu@ciu.edu.ge
 
მეტრო: "გურამიშვილი", "სარაჯიშვილი";
ავტობუსი N: 17, 60, 94, 95;
მიკროავტობუსი N: 49, 60, 91, 135, 171, 197;
ურეკის ქუჩიდან ავტობუსი N: 21, 62;
ურეკის ქუჩიდან მიკროავტობუსი N: 126;