Top
კავკასიის საერთაშორისო უნივერსიტეტი
სამართლის

კავკასიის საერთაშორისო უნივერსიტეტის სამართლის ფაკულტეტი ერთ-ერთი ყველაზე წარმატებული ფაკულტეტია. მისი წარმატების გარანტი საგანმანათლებლო პროგრამების მაღალი დონე,  აკადემიური და ადმინისტრაციული პერსონალის პროფესიონალიზმია.

ფაკულტეტზე ხორციელდება სამართლის საბაკალავრო, სამაგისტრო და სადოქტორო პროგრამები. აღნიშნული პროგრამები აკრედიტებულია და აკმაყოფილებს საქართველოს კანონმდებლობით  განსაზღვრულ  ყველა  სტანდარტს.

თითოეული საგანმანათლებლო პროგრამა შეესაბამება კანონმდებლობის მოთხოვნებს და მაქსიმალურად მორგებულია სტუდენტის ინტერესებზე. საგანმანათლებლო პროგრამები უზრუნველყოფს სტუდენტისათვის აუცილებელი თეორიული და პრაქტიკული ცოდნის მიღებას. ისე, რომ სწავლის პროცესში სტუდენტი თეორიულ ცოდნასთან ერთად აუცილებელ პრაქტიკულ უნარებსაც იძენს. ამ მიზნით, საბაკალავრო და სამაგისტრო საგანმანათლებლო პროგრამები სასწავლო კომპონენტებთან ერთად, პრაქტიკულ და კვლევით კომპონენტებსაც მოიცავს, მაგალითად, იურიდიულ კლინიკას. სამართლის სადოქტორო პროგრამა ორიენტირებულია დოქტორანტის კვლევითი უნარების გამომუშავებაზე, მის მეცნიერად ჩამოყალიბებასა და სამართლის მეცნიერების განვითარებაზე.

ფაკულტეტის წარმატების ერთ-ერთი ძირითადი გარანტი არა მხოლოდ საქართველოში, არამედ მის ფარგლებს გარეთ აღიარებული აკადემიური პერსონალია. საგანმანათლებლო პროგრამების განხორციელებაში მონაწილეობენ მაღალკვალიფიციური და მოწინავე პრაქტიკოსი იურისტებიც.

კავკასიის საერთაშორისო უნივერსიტეტის სამართლის ფაკულტეტი სტუდენტებს თანამედროვე სასწავლო მასალებითა და მატერიალური რესურსებით უზრუნველყოფს და ხელს უწყობს მათ გაიღრმავონ ცოდნა.  ფაკულტეტს საკუთარი ბიბლიოთეკა აქვს, სადაც თავმოყრილია საგანმანათლებლო პროგრამებით გათვალისწინებული  ყველა სავალდებულო და დამხმარე ლიტერატურა. ბიბლიოთეკაში სტუდენტს  საშუალება ეძლევა ისარგებლოს სწავლისათვის აუცილებელი ტექნიკური საშუალებებით, საერთაშორისო საბიბლიოთეკო, ელექტრონული რესურსებით  და  ელექტრონული საკანონმდებლო მონაცემთა ბაზა „Codex”-ით.

პრაქტიკული კომპონენტის განხორციელების მიზნით, უნივერსიტეტში ფუნქციონირებს იმიტირებული სასამართლო პროცესების დარბაზი, სადაც სტუდენტთა მონაწილეობით იმართება ყველა პროცესუალური სასწავლო კურსის ფარგლებში გათვალისწინებული იმიტირებული სასამართლო პროცესები.

თანამშრომლობა:

  1. თბილისის სააპელაციო სასამართლო;
  2. საადვოკატო ბიურო „კუბლაშვილი და პარტნიორები“;
  3. ადვოკატთა პროფესიული განვითარების ცენტრი;
  4. საადვოკატო ბიურო „მიგრიაული და პარტნიორები“;
  5. თბილისის ზოგადსაგანმანათლებლო სკოლა-ლიცეუმი „მწიგნობართუხუცესი“;
  6. საადვოკატო ბიურო “Law Solutions”;
  7. "საქართველოს ნოტარიუსთა პალატა";
  8. საქართველოს ადვოკატთა ასოციაცია;
  9. თბილისის საქალაქო სასამართლო;
  10. ქალაქ თბილისის მუნიციპალიტეტის საკრებულოს იურიდიულ საკითხთა კომისია;
  11. ანა ჯალაღონიას საადვოკატო ბიურო.

 

 
 
მისამართი: 0141, თბილისი, გლდანი-ნაძლადევის რაიონი, სანზონა, ჩარგლის ქუჩა N73;
 
ტელეფონი: (+995 32) 261 12 98;
(+995 32) 294 59 92;
 
ელ.ფოსტა: ciu@ciu.edu.ge
 
მეტრო: "ღრმაღელე";
ავტობუსი N: 17, 60, 94, 95;
მიკროავტობუსი N: 31, 49, 61,135, 171, 197.
 
მისამართი: თბილისი, ნაძალადევის რაიონი, ურეკის ქუჩა N 2;
 
ტელეფონი: (+995 32) 210 52 03;
(+995 32) 230 86 41
 
ელ.ფოსტა: ciu@ciu.edu.ge
 
მეტრო: "გურამიშვილი", "სარაჯიშვილი";
ავტობუსი N: 17, 60, 94, 95;
მიკროავტობუსი N: 49, 60, 91, 135, 171, 197;
ურეკის ქუჩიდან ავტობუსი N: 21, 62;
ურეკის ქუჩიდან მიკროავტობუსი N: 126;